Tag Archives: Húsnæði

2451.

3 Júl

Finnur: „Ástin mín, þú ert yndislegasta kona sem ég hef kynnst! Þú ert falleg, hæfileikarík, greind…“

Lára: „Þakka þér fyrir, elskan.“

Finnur: „Ég veit að ég er ekki eins myndarlegur og Vignir, og pabbi minn er heldur ekki eins ríkur. Og Vignir á lúxusíbúð úti á Nesi, en ég á bara kjallara í Þingholtunum. En ég elska þig af öllu hjarta og vona innilega að þú elskir mig líka. Gerirðu það?“

Lára: „Auðvitað geri ég það! En segðu mér – hver er þessi Vignir? Og hvað er síminn hjá honum?“

Auglýsingar

2430.

2 Júl

Ekki segi ég nú að konan mín sópi öllu ruslinu undir teppið – en það er á brattann að sækja í átt að glugganum.

2144.

26 Jún

Paddy bað konuna sem hann leigði hjá að útvega sér stóran spegil í herbergið sitt.

„Uss, þú ert með alveg nógu stóran spegil,“ sagði húsmóðirin. „Þú sérð sjálfan þig alveg niður að mitti.“

„Það er ekki nóg,“ sagði Paddy. „Í þessari viku hef ég þegar farið þrisvar út buxnalaus.“

2027.

24 Jún

Nýi leigjandinn: „Veggirnir í herberginu mínu eru alþaktir einhvers konar klessum.“

Húsmóðirin: „Æi, já. Sá sem leigði það næstur á undan þér var einhvers konar uppfinningamaður og hann var að reyna að finna upp nýtt sprengiefni.“

Nýi leigjandinn: „Nú, og eru þessar klessur þá sprengiefni?“

Húsmóðirin: „Nei, þær eru uppfinningamaðurinn.“

1761.

19 Jún

Nútímalistaverk er eitthvað sem maður kaupir til að fela sprungu á veggnum – og tekur niður aftur af því að sprungan er fallegri.

1755.

19 Jún

Viðgerðarmaðurinn neitaði að koma og gera við loftkælinguna mína. Hann sagði að það væri of heitt í íbúðinni.

1745.

18 Jún

Hann drekkur svo mikið að hann hafði ekki hugmynd um að húsið hafði verið vatnslaust í tvo mánuði.