2940

24 Ágú

Guðmundur Árni hélt jómfrúrræðu sína á þinginu. Þingfréttaritari einn spurði gamalreyndan þingmann um álit hans á ræðunni.

„Jú,“ svaraði þingmaðurinn, „hann á eftir að komast langt. Hann trúir hverju orði sem hann segir.“

Auglýsingar

2939

21 Ágú

Stína litla var með belju í taumi þegar hún mætti prestinum. Presturinn stoppaði hana og spurði:

„Hvert ertu að fara, Kristín mín?“

„Ég er að fara með þessa belju til að leiða hana undir nautið“, svaraði Kristín og brosti sakleisislega til prestsins.

„Hefði ekki verið heppilegra að hann faðir þinn sæi um þetta“, spurði presturinn og gerðist all strangur á svipinn.

„Nei, séra minn“, svaraði Kristín, „það verður að vera naut“.

2938

15 Jún

Gamall maður sat á bekk í Kringlunni þegar ungur maður með hanakamb settist hjá honum. Hárið hans var gult og grænt með appelsínugulum og purpuralituðum strípum. Hann var með málaðar augabrúnir. Gamli maðurinn starði í forundran á unga piltinn í nokkrar mínútur.

Strákurinn varð órólegur og spurði þann gamla: „Hvað er þetta eiginlega, hefur þú aldrei gert neitt villt um dagana?“

Gamli maðurinn svaraði: „Jú reyndar, ég datt einu sinni hressilega í það og hafði kynmök við páfagauk. Ég var bara að velta því fyrir mér hvort þú gætir verið sonur minn.“

2937

14 Jún

90 ára gamall maður var í árlegri læknisskoðun og læknirinn spurði hann hvernig hann hefði það.

„Mér hefur aldrei liðið betur. Nýja konan mín er 18 ára og hún gengur með fyrsta barnið okkar!“

Læknirinn hugsaði um þetta eitt augnablik og sagði svo: „Einu sinni var maður sem var mjög ákafur skotveiðimaður, hann sleppti aldrei neinu veiðitímabili. Dag einn var hann á mikilli hraðferð og hann greip með sér regnhlíf í staðin fyrir riffilinn sinn. Þegar hann var kominn langt inn í skóginn þá gengur hann fram á stóran og grimman skógarbjörn. Hann miðar á hann með regnhlífinni og bang,  björninn dettur niður dauður!“

„Það er óhugsandi,“ sagði gamli maðurinn, „einhver annar hlýtur að hafa skotið hann.“

„Já – það er nú eiginlega það sem ég var að reyna að segja,“ svaraði læknirinn.

2936

12 Jún

Jón er á gangi þar sem Kyrrahafið skolar fjörusanda Kaliforníu þegar hann hrasar um gamalt lampahró. Hann tekur lampann upp og stýkur af honum óhreinindin. Óðar birtist andi sem segir: Allt í lagi, allt í lagi – þú losaðir mig úr lampanum. Hvað með það – !! Þetta er nú í fjórða sinnið í þessum mánuði sem ég er dreginn úr lampanum og ég er orðinn leiður á þessu óska-veseni. Það er af og frá að þú fáir þrjár óskir. Allt og sumt sem þú getur fengið er ein ósk!

Jón hjaðnar niður – en fer svo að hugsa sig um. Loks segir hann: Mig hefur alltaf langað svo mikið að fara til Hawaii. Hins vegar er ég svo flughræddur að ég get alls ekki farið með flugvél. Ég er líka svo sjóveikur að það getur ekki gengið að fara þangað með skipi. Gætirðu kannski byggt fyrir mig brú svo ég geti ekið þangað með konuna og börnin í sumarleyfinu?

Andinn hlær að honum og segir: Vertu raunsær, maður! Þetta er ómögulegt! Hugsaðu aðeins um hvað þarf til! Ímyndaðu þér hvílík ósköp þyrftu af steypu og stáli! Veistu hve Kyrrahafið er djúpt? Nei, – finndu þér einhverja skynsamlega ósk.

Nú verður Jón hljóður en hugsar svo drykklanga stund. Loks segir hann: Ég hef verið giftur fjórum konum sem allar hafa skilið við mig. Þær hafa sagt við mig að ég skildi þær ekki. Mér mundi þykja mjög til bóta að skilja pínulítið í konum, – geta áttað mig á hvað er að þegar þær segja bara að maður viti það – en maður hefur ekki hugmynd um það, vita hvað þær eru að hugsa þegar þær setja á mann þagnarmúrinn og hvernig yfirleitt er hægt að gera þeim til geðs.

Þá segir andinni: Akreinarnar – viltu tvær eða fjórar?

2935

12 Apr

Eldri kona fór til læknis og kvartaði undan hnignandi kyngetu eigimanns síns.

„Hvað með að prófa Viagra?“ spurði læknirinn?

„Hann myndi aldrei taka í mál að gleypa svoleiðis pillur“, sagði konan.

„Nú, þá laumarðu bara einni pillu í kaffið hans, hann tekur ekkert eftir því og gleypir pilluna án þess að vita af því. Og sannaðu til, árangurinn mun ekki láta á sér standa.“

Læknirinn sagði henni að hafa samband við sig eftir viku til að segja hvernig til hefði tekist og það gerði konan.

„Jæja, hvernig gekk?“ spurði læknirinn.

„Alveg hræðilega!“ sagði konan.

„Nú, hvað gerðist?“

„Eins og þú ráðlagðir mér þá setti ég pillu í kaffið hans og áhrifin voru mjög skyndileg. Hann rauk á fætur, reif mig úr fötunum, fleygði mér upp á borðið og tók mig.“

„Jæja“, sagði læknirinn, „ég heyri ekki betur en þetta hafi bara virkað alveg prýðilega. Hvað var þá svona hræðilegt?“

Þá svaraði konan:
Ég get get aldrei látið sjá mig á uppáhaldskaffihúsinu mínu aftur!“

2934.

6 Nóv

Jónas og Magga höfðu verið gift í bráðum 40 ár.

Dag einn keypti Jónas sér ný kúrekastígvél. Hann klæddi sig í þau í búðinni og flýtti sér heim til sín til að sýna Möggu þau.

„Tekurðu eftir einhverju óvenjulegu?“ spurði hann Möggu

Magga horfði á hann og sagði loks: „Nei“.

Jónas fór inn á baðherbergi, klæddi sig úr öllum fötunum nema stígvélunum, kom svo allsnakinn fram í stígvélunum og spurði Möggu: „Tekurðu núna eftir einhverju óvenjulegu?“

Magga virti hann vel fyrir sér og sagði svo: „Hvað er óvenjulegt við þig? Hann lafir á þér í dag eins og hann gerði í gær og ég er viss um að hann á eftir að lafa á morgun líka.“

„Veistu af hverju hann lafir svona?“ spurði Jónas.

„Nei“, sagði Magga.

„Hann lafir svona af því að hann er að dást að nýju stígvélunum mínum“.

„Jónas,“ sagði Magga, „þú hefðir átt að kaupa þér hatt.“